Ja një mesazh që Richard M. Stallman i dërgoi Tim O'Reilly-it më 11 Mars, 2000, lidhur me një deklaratë të Jeff Bezos, CEO i Amazon-ës, ku bëhej thirrje që patentat e software-it të zgjasin thjesht 3 ose 5 vjet.
Ju lutemi, lexoni më tepër rreth bojkotit.
Ju lutemi, na përkrahni, po ashtu, duke krijuar një lidhje prej faqes suaj apo site-e për te http://www.gnu.org/philosophy/amazon.html!
Ideja që patentat mbi software-e do të duhej të vlenin për 3 ose 5 vjet është propozuar këtu e një dekadë, si një kompromis që do të eliminonte shumicën e dëmit që patentat mbi software-in bëjnë sot. Përkrahja e kësaj ideje prej Xhef Bezos është gjë e mirë, ngaqë mund të na shpjerë një hap më afër drejt aktivizimit të Kongresit. Përgëzime për ndihmën në arritjen e kësaj. Por një ligj i tillë është ende larg, dhe ndërkohë, Amazon mban ende përgjegjësi për aktet e saj. Amazon-ën e zgjodhëm për bojkot, mes mijëra kompanish që zotërojnë patenta software-esh, ngaqë Amazon është nga të paktat që ka shkuar aq larg sa të padisë dikë. Kjo i bën shembull përfaqësues. Shumica e mbajtësve të patentave thonë se patentat e software-it i kanë "për qëllime mbrojtjeje", për të ushtruar trysni të ngjashme në rast se kërcënohen me padi penale patentash. Ngaqë kjo është strategji reale për vetëmbrojtje, shumë prej këtyre zotëruesve të patentave mund ta kenë vërtet ashtu si thonë. Por kjo përligjje nuk vlen për Amazon-ën, sepse ata e filluan të parët. Letra e Bezos ripohon synimin e vazhdueshëm të Amazon-ës për t’u angazhuar në ndeshje të pakufizuar për patentat, kur thotë se vendimi se kur dhe ku do të sulmohet do të caktohet nga "arsye biznesi". Do t’i bashkohesha me gjithë qejf Bezos në mbështetje të një projektligji për kufizimin e patentave nga 3 në 5 vjet, por besoj se duhet të vazhdojmë të kritikojmë dhe bojkotojmë Amazon-ën deri sa një miratohet një ligj i tillë--ose derisa Amazon-a të bëjë ndonjë ndryshim të përshtatshëm në sjelljen e saj që të përligjë një ndryshim në sjelljen tonë. Kjo nuk do të thotë që të këmbëngulim që Amazon-a duhet të shkojë deri në asgjësimin e patentave të veta. Me patentat, arti i shkurajimit është një mbrojte e papërshtatshme kundër agresorësh të armatosur me patenta, por është e vetmja mbrojtje, ndaj nuk do t’i kërkoja Amazon-ës (ose cilitdo tjetër) të heqë dorë nga përdorimi i patentave për vetëmbrojtje ose për sigurinë kolektive. Në vend të kësaj, Amazon-a dhe të tjerë zotërues patentash do të duhej të zotoheshin se heqin dorë nga përdorimi i patentave për agresion, dhe të bënin të tyren një politikë përdorimi jo-unë-i-pari. Nëse Amazona e bën këtë, në një rrugë të pakthyeshme dhe besëzanë, nuk do të kisha tjetër kritikë për Amazonën.